(1896) La Batalla de Sao del Indio

link
link

Non pinto de les moces la querencia
Cuando el candil n' oscura y 'apigaza
Nin quiero aponderar la comenencia
De tar rodiao de neñes n' asfoyaza,
Nin dar l' asplicativa de la cencia
Que pid' el galantiar una rapaza;
Pos daqué muy atroz guardo nel papo,
Y miálma de dicilio non escapo.

Cudiao me llamo! porque teng' on pecho
Pelos de más llargor que calamieres,
Y non estoy nin miga sartifecho
Pa falabos de coses de muyeres,
Al ver atarazase pel derecho
A estos homes d'España, que son fieres...
¿Qué val la rapacina más galana
Al pensar ena guerra de la Bana?

Allí cuatro negritos cicateros,
Llenos de roña y fartos de llagaña,
Medio en carnes, los campos habaneros
Cuerren armaos, glayand' oscontra España;
Y dicen los pioyones y embusteros
Que toda la razón yus acompaña,
Y que la Bana non ye nuestra... ¡soño!
¡Tan nuestra yé com' Avila y Lugroño!

Primero y prencipal que l'ascubrimos;
En lo segundo, que la cautivamos;
Tercero, y ya van tres, la destruimos,
Y cuarto y atención! la cristianamos.
Más tovía: á sus homes leyes dimos,
Y á llavase y peinase acostumbramos;
Y esos ¡dicir á Dios q'en tá gurguten,
Y el terren, sin crianza, nos esputen!...

Hasta á ler y escribir como les xanes,
Y á cuntar, deprendieron guapamente;
Antes sólo los deos de les manes
Y les dedes del pié cuntó esa xente:
Asina, puestos á cuntar ablanes,
Empapizaben al llegar á vente.
¿Y esos quieren agora redemise?
¡Non hay perdón nin duelo pal malbise!

¡La Bana non ye nuestra? ¡Taría guapo!
Ente presones medio regulares
El que lo diga queda com'un trapo,
Como'l pelgar mayor de los pelgares.
Y hay una refleisión que cai del papo
En sin qu'hevia llugar á más cantares:
¿A Cristobal Colombo la cebera
Pa la descubrición, quién i la diera?

¿Qué jueren esos probes sin España?
¿Sabin facer un triste chocolate,
Nin iguar la molienda de la caña
Que sirve p'andaluzayus el gaznate?
¿Quién yus unvió la sidre, la castaña,
El gocho, y el pimiento y el tomate?
¿Quién fixo á esos llambiones señoritos?...
...Quién ensiñó á falar á los loritos?

Lo que yé y lo que nón sélo de sobra,
Y el por qué de la guerra; diz el cura,
Y con razón, en fin, que todo ye obra
De, vamos á un dicir, que la cretura
Humana, con el fuero, maniobra,
Si á mano vien, pior qu'una gafura...
Pero esto ye custión preferolítica,
Y non quiero meteme y'on pulítica.

Pe los montes café bien florecío,
Po les vegues azúcare y tabaco,
Y todo, ello semao, ello coío,
Sin facer más llabores q'un furaco.
Hay pataques que pesen, siñor mio,
Arroba y media, y non les lleva un saco;
Y nada vos diré del cocotero,
Que sede y fame quita por entero.

El climen superior, siempre caliente;
Pa dormir non fay falta la compaña:
Po lo que toca al trato de la xente,
Dulciquín, comol zumo de la caña.
E na Bana á denguno se consiente
Dicir: "tomo pasaxe fácia España,"
Porque España tá allí, n'aquella ínsula,
Y hay que deciyus: "voy pa la Península."

El qu'é nacío y é criao na Bana,
Más q'untaces y carne tien espina;
Co la calor d'allí siente galvana,
Y con voz duzayona fala asina:
"Etá Pancho Rodrigue de jarana;
Miren eso! ¿No ven como camina?
¡Ahorita voy, aguarde, don Ustoquio!"
En fin q'oilos miálma ye un coloquio.

Si xueguen al billar y tan perdiendo,
Dicen que non yus gusta ni un poquito;
Les xugades pondéreles diciendo:
Ya saben que don Juan le dió bonito.
Pa tirar una bola en sin istruendo,
Dele de suavitongo, don Benito,
Y pá dicir que rode á bona mano,
¡Abre, bola de hueso, penca e guano!

Cuando agarren los gallos ye un barullo
Q'amória la cabeza al más valiente,
Pos, como dicen ellos, hay embullo,
Y todo yé gritar bárbaramente.
Si un gallo dexa á otro en sin bandullo
"¡Lo voy de onsa á peso!" diz la xente,
Y óise glayar á veces á un macaco:
"¡Voy un doblón á un cabo de tabaco!"

Mas dexando arrodeos divertíos,
Voy derecho á les coses de la Bana,
Onde cuatro lladrones, escondíos,
Non paren de correr la caravana.
Juro po la muyer y po los fíos
Q'habemos de zurrayus la badana;
Y non ha de guardalos de la zurra
Nin el mesmo Balan el de la burra.

Manda los españoles Don Irsenio
Martime Campos, general patrótico
Po la mala denguno i gana á genio,
Po les buenes non lo hay menos espótico:
El guarda la collecha del ingenio,
Y al insurreuto trai medio berlótico;
Tien lluces, valentía y é muy célibre,
Misto de vieyo, rapacin y cuélibre.

Anda todo el pais de punta á punta,
Sin duelo nin temor de la presona;
Si acierta á ver malbises non los cunta,
Afréllalos non más co la tizona.
Si ñube d'insurreutos sei ajunta
Clamando pe la paz, él lus perdona:
Aportó la custión de Peraleyo,
Y por poco los dexa sin pelleyo.

Pero l'aición quiciaves más sonada,
Mas irméticamente fenecida,
Foy la de Sao del Indio, ansí nomada
Del sitio onde jué remanecida.
Na memoria de todos marcada,
Cántala el ciego, pa ganá la vida,
Y en custión de caniles y d'argalles
Non tien que partir nada Roncesvalles.

Yé mandón de les tropes del Gubierno
Pachin Borjia Canella, un asturiano
Que si i busquen quimera ye un infierno,
Si i apurren la mano, da la mano.
Conél non tuve tratos, pero alterno
Gustoso con Fermín, que yé s'hurmano,
Vecin d'Uvieo, y sabio que deprende
Al abogao qu'el pleito mus esfiende.

Mas golviendo á Pachin, ye de josticia
Dicir que ye home rial y de corada
Y fiégado, estenguió na melicia,
Bien plantao, co la pierna bien sacada;
Un prubitín sin rastro de malicia,
Mas d'agudo y parcial non digo nada:
Siendo yo mozo conocilo Alferi
Nuna función d'eilésia en Villaperi.

De parte del malbis está Maceo,
Mulato farfantón, un gran mazcayo,
Marcau de les vixigues, munchu feo;
El bigote que tien ye un pur' oscayo.
Peludo, llen de cáspia, en sin aseo,
Cabeza d'argomal, güeyos de rayo,
Retorcío el canil como les piernes;
Ye la propia fegura d'Olofiernes.

¿Sabeis que ye un mulato? A ver si acierto:
Escapando de cargues y de suegra,
Cualisquier mociquín de genio abierto
Arrímase tascándose á una negra.
D'aquella cargación vien un insierto
EL día qu'el asunto más s'alegra,
Y al tiempo de razón, sal del atranco
Un crio metá negro, metá blanco.

Pos, siñor, como diba del mió cuento,
Lleganon con el soplo unos vecinos
Que en Ramón de les Yagües, muy gafiento,
Tá Maceo con cinco mil gorrinos,
Y qu'allí tán campiaos nel campamento
Chando ronques, pensando dividinos:
La razón recibióse en Guantanamo
Frontero á Baracoa y á Bayamo.

Al sabelo Pachin, se despacencia,
Agarra un puñao d'homes de Simanques,
La guerrilla del pueblo n'obedencia
Y, en fin, toes les juerces que tán flanques;
Un cañón, como caso de concencia,
Lleva, con sus trebeyos y palanques;
Un plático en terrén llama consigo,
Y emprende p'aonde cámpia l'enemigo.

Yera en fines d'Agosto, el ventinueve;
Tantiando pico abaxo, pico arriba
Tras de Macéu y el diablo que lo lleve,
Non algamó á topar presona viva;
A metése pel Vinculo s'atreve
Y el Arrebato, llega á Macarriba;
En esto ya amanez el día trenta,
Pos ce por be de todo llevo cuenta.

Oyénonse ruxir unos tirucos
En el monte vecin; una porcáncia:
Yeren cuatro demonios de negrucos
Pensando facer daño. ¡La inorancia!
Pachin toma tiros por tarucos,
Y marcha como pide la ordenancia:
Non resulta mancao home denguno,
Y ansi alborez el día trenta y uno.

Dia de San Ramón, como é sabío:
La tropa marcha sele, muy atenta;
Llega nesto un paisano muy corrio
Diciendo qu'el malbis tá na Pimienta.
Oise d'allí un pedazo gran tronío,
Cadún de lo que yé faise la cuenta;
Síguese pe la orilla el Baconao,
Y cataplún! ya tá la xente en Sao.

Y